Vicerrectorado de Investigación e Innovación

O director do Instituto Galego de Física de Altas Enerxías (IGFAE), o profesor Carlos Alberto Salgado López, recibiu este martes de mans da secretaria de Estado de Investigación, Desenvolvemento e Innovación, Carmen Vela, a acreditación do IGFAE como Unidade de Excelencia María de Maetzu. Este instituto mixto dependente da USC e do goberno autonómico galego convértese así no primeiro centro en Galicia en obter esta distinción, que concede a Axencia Estatal de Investigación e que supón un financiamento de 2 millóns de euros durante os próximos catro anos e oito contratos predoutorais.

Máis Información.

O catedrático de Estomatoloxía Pedro Diz Dios acaba de ser investido membro de honra do Real Colexio de Cirurxiáns de Edimburgo, corporación médica fundada en 1505 e considerada como a máis antiga e maior organización cirúrxica do Reino Unido e unha das máis grandes entre as organizacións médicas do mesmo país. O docente da USC convértese no primeiro español que recibe este recoñecemento no ámbito da súa especialidade. Na actualidade esta organización aglutina a preto de 25.000 profesionais de máis de cen países.

Máis Información.

Dous libros da USC acaban de ser recoñecidos como a obra mellor editada e a mellor coedición universitaria de entre os 128 títulos que concorreron aos XX Premios Nacionais de Edición Universitaria. Na categoría da obra mellor editada, os máis importantes premios da edición universitaria recoñecen o traballo realizado en Con el alba: El Cuaderno de Francia (1916). Manuscrito inédito de Ramón María del Valle-Inclán ­–vol. 9 da Biblioteca de la Cátedra Valle-Inclán–. O xurado concedeu o recoñecemento polo “ alarde de recursos formais empregados, a complexidade técnica e a o equilibrio entre fondo e forma”.

Máis Información.