Profesora Rosa María Señarís Rodríguez, Catedrática de Fisioloxía da Universidade de Santiago de Compostela desde o ano 2007. Naceu en Santiago de Compostela (A Coruña). Cursou os estudos de Licenciatura de Medicina na Universidade de Santiago de Compostela (Premio do Licenciado en Medicina, Real Academia Nacional de Medicina. Fundación López Sánchez). Na mesma Universidade realizou a súa Tese Doutoral no Programa de Neurociencia baixo a dirección dos Profesores Carlos Diéguez e Fernando Domínguez no campo da regulación hipotalámica do crecemento somático postnatal (Premio do Doutoramento en Medicina, Real Academia Nacional de Medicina. Fundación López Sánchez). Tras obter en 1990 o título de Doutora, realizou unha estancia postdoctoral no Medical Research Council de Cambridge (UK) no grupo de Neurociencia dirixido polo Dr. P.C. Emson traballando cos entón clonados receptores de somatostatina. Ampliou a súa formación en neurociencia celular e molecular con estadías noutros centros de investigación (Departamento de Neurociencias, Universidade de Aarhus, Dinamarca; Departamento de Medicina, Universidade de McGill, Montreal, Canada). A súa actividade investigadora centróuse principalmente en distintos campos da neuroendocrinoloxía: regulación do crecemento somático, e control da inxesta, o metabolismo e o peso corporal. Nestes últimos anos estivo traballando na fisiopatoloxía da obesidade, na procura de novas dianas terapéuticas para esta enfermidade, e na relación obesidade/metabolismo e cancro.