Guía de Convocatorias

 » 

A presente convocatoria ten como obxecto o financiamento de:
1. Accións de innovación, que aborden desafíos sociais, económicos, ambientais e de desenvolvemento da Axenda 2030 para o Desenvolvemento Sostible.
2. Accións de coñecemento no ámbito da innovación.

O número de propostas por entidade, como líder ou como integrante dunha agrupación, baixo as fórmulas de agrupación, contratación ou subcontratación, non poderá ser superior a dúas para as accións de innovación, e unha para as accións de coñecemento. En caso de que varios investigadores estivesen interesados, sería necesaria unha selección previa. Por este motivo, establécese un prazo interno ata o 16 de maio, ás 14:00h, para indicarnos o seu interese mediante unha DECLARACIÓN DE INTERESE que deberá cumprimentar e enviar á dirección investigacion@usc.es. A presentación das solicitudes realizaranse por medios electrónicos desde o cartafol do cidadán da AECID da Sede electrónica da AECID (www.aecid.gob.es).

O prazo de presentación das solicitudes en sede electrónica é o 29 de maio e presentaranse dende esta oficina. Achéganse as plantillas de solicitude para cada modalidade (plantilla accións / plantilla actividades).

Poderán ser beneficiarios as agrupacións sen personalidade xurídica integradas por persoas xurídicas pertencentes ás seguintes tipoloxías:
a) Sector privado empresarial: empresas, entidades de economía social recollidas no artigo 5.1 da Lei 5/2011, do 29 de marzo de Economía Social (fóra de fundacións), e que estean acreditadas mediante a súa inclusión no Catálogo de entidades de economía social.
b) Entidades do Sector social: Organizacións Non Gobernamentais de Desenvolvemento (en diante ONGD) rexistradas no Rexistro de ONGD adscrito á AECID na data de publicación desta convocatoria.
c) Entidades do ámbito académico e da investigación: universidades, fundacións universitarias, centros de investigación e outros análogos, tanto públicos como privados.

Co obxecto de promover o traballo en rede e en alianza, as agrupacións deberán estar conformadas, polo menos, por dúas entidades de tipoloxía distinta para o caso das accións de innovación.

Non se considerarán as propostas presentadas por unha persoa xurídica de forma individual nin por agrupacións que non cumpran as condicións descritas na presente base. No suposto das accións de coñecemento, non será necesaria a súa presentación en agrupación, aínda que se ponderará a súa presentación en alianzas multiactor na fase de valoración respecto ao criterio de valoración indicado no apartado 1.d) da presente resolución.

Subvención:br> o Para as accións de innovación financiarase o 80% do custo total da proposta, sendo necesaria a achega doutros fondos por un mínimo do 20 por 100 sobre o importe total.
o Para as accións de coñecemento financiarase o 100% do custo total da proposta.

Volver