Dolores Pérez Meirás naceu en Ferrol (A Coruña), cursou os seus estudos de Licenciatura en Química na Universidade de Santiago de Compostela (Premio Extraordinario), e na mesma universidade realizou a súa tese de doutoramento, baixo a dirección dos profesores Enrique Guitián e Luis Castedo, no campo da síntese de alcaloides de interese farmacolóxico. Tras obter en 1991 o título de Doutor, realizou unha estandía postdoutoral na Universidade de California en Berkeley, no grupo do Prof. K. Peter C. Vollhardt (bolseira MEC-Fulbright, 1992-93), durante a que desenvolveu o seu interese na química organometálica aplicada á síntese orgánica. Ampliou a súa formación neste campo cunha estadía no Instituto Tecnolóxico de Massachusetts (MIT), no grupo do profesor Stephen L. Buchwald. Desde 1995 é docente da USC, donde actualmente é Profesora Titular de Química Orgánica. As súas principais líñas de investigación céntranse no descubrimento de novas reaccións de interese sintético catalizadas por metais de transición, o desenvolvemento da química de arinos e, particularmente, a súa aplicación á construción de sistemas policíclicos aromáticos complexos de interese no eido dos novos materiais. Ademais da súa labor docente e investigadora, a Prof. Pérez Meirás desenvolve tarefas de xestión da investigación na USC, Coordinadora de Apoio ás Unidades de I+D da Vicerreitoría de Investigación e Innovación (2006-2011), Directora Comisaria (2010-2014) e Directora Adxunta (2014-actualidade) do Centro Singular de Investigación en Química Biolóxica e Materiais Moleculares (CIQUS). |