| Xestións On-Line |  |
|
Referencias na Prensa á Investigación na USCCo obxectivo de que a sociedade coñeza a utilidade do labor investigador da Universidade de Santiago, e tamén que a industria identifique á Institución como socio con experiencia e prestixio na realización de proxectos científico-tecnolóxicos, a OIT inclúe nas súas actividades a divulgación da investigación desenvolvida na USC.
| Notas de Prensa | | CIQUS | | O CiQUS busca mellorar a eficacia e seguridade dos tratamentos con células CAR-T en tumores sólidos | | Publicado: 22/6/2023 |  Persoal investigador do Centro Singular de Investigación en Química Biolóxica e Materiais Moleculares da USC (CiQUS) participa en CAR T-REX, un novo proxecto europeo financiado con 2,7 millóns de euros polo Consello Europeo de Innovación (EIC), que busca mellorar a eficacia e seguridade dos tratamentos con células CAR -T en tumores sólidos. Marisa Juanes e Alberto Fuertes do equipo de TraffikGene encargaranse de desenvolver o sistema de transporte que permita introducir ácidos nucleicos en linfocitos T, co obxectivo de que estas células inmunitarias poidan manterse activas no microambiente tumoral.
Máis información |
| | RIAIDT | | A mostra 'Minerais. Ver o Invisible’ achega unha nova perspectiva da investigación mineralóxica en Galicia
| | Publicado: 22/6/2023 |  A exposición 'Minerais. Ver o Invisible. De Haüy á ermeloíta' achega á sociedade unha nova perspectiva da investigación mineralóxica que se desenvolveu e se desenvolve en Galicia. Promovida pola Área de Infraestruturas de Investigación e o Museo de Historia Natural, coa colaboración da Área de Cultura da USC e a Deputación da Coruña, permanecerá aberta ao público, no Salón do Artesoado do Colexio de Fonseca, dende este xoves 22 ata o 2 de setembro con horario de 11.00 a 14.00 horas e de 17.00 a 20.30 horas, de luns a sábado.
Máis información |
| | I+D | | A USC, entre as universidades españolas con maior rendemento en I+D, taxa de éxito académico e transferencia | | Publicado: 25/5/2023 |  A Universidade de Santiago de Compostela (USC) mantense entre as universidades españolas con mellor taxa de rendemento nos eidos da investigación e transferencia de coñecemento, no que atinxe a concesións de patentes, ingresos por licenzas, publicacións internacionais con elevado nivel de citacións e creación de spin-offs, así como en captación e liquidación de fondos, segundo se deprende da décima edición do ‘ránking’ sobre as universidades españolas que vén de publicar a Fundación CYD (Coñecemento e Desenvolvemento) e no que se recollen datos do conxunto de España, por comunidades e universidades. De feito, na elaboración deste estudo está incluídos datos de 80 universidades públicas e privadas ao tempo que se analizan resultados de 29 ámbitos de coñecemento e 3.266 titulacións.
Máis información |
| | I+D | | Investigadores do Campus Terra pescudan no mecanismo de toxicidade das biotoxinas co proxecto europeo BIOTOXDoc | | Publicado: 21/4/2023 | 
O grupo de investigación Farmatox da USC, coordinado polo catedrático da área de Farmacoloxía na Facultade de Veterinaria do Campus Terra, Luis Miguel Botana, pescuda no mecanismo que provoca a toxicidade das biotoxinas ao abeiro do proxecto BIOTOXDoc, un programa internacional incluído na estratexia Horizonte Europea, no que participan máis dunha ducia de entidades europeas.
Máis información |
|
|
|
Buscador Prensa
|
Nos últimos seis anos tense difundido información sobre máis de 300 proxectos e liñas de investigación que supuxeron máis de 800 páxinas completas dedicadas á investigación na USC.
As notas de prensa orixinais que deron lugar a esta información nos xornais poden ser consultadas no seguinte buscador:
|
|
|
| Lista de distribución | A Vicerreitoría envía puntualmente información de gran interese para os investigadores a través da lista de distribución USC-INVESTIGACION.
Axuda e soporte
Esta web dispón igualmente dunha Canle RSS que recolle as últimas actualizacións.
|
|
