Programa para a Creación de Empresas da Universidade de Santiago de Compostela
O Programa para a Creación de Empresas da Universidade de Santiago de Compostela ( UNIEMPRENDE ), ten como obxectivo incrementar a vocación empresarial entre os membros da comunidade universitaria, axudando na dinamización de proxectos, o seu lanzamento e consolidación no mercado. Prestando especial atención a aqueles resultados de investigación con potencial suficiente para transformar unha idea nunha empresa de base tecnolóxica con expectativas de futuro.
Para a consecución destes obxectivos creouse unha infraestrutura de apoio a iniciativas emprendedoras que inclúen a detección e maduración da idea, o asesoramento, o financiamento e a incubación. Todo iso coordinado desde o Centro de Innovación e Transferencia de Tecnoloxía (CITT) da USC.