Eventos relacionados coa Investigación

Nesta sección recollemos algún dos eventos de interese para os investigadores.

O CEIDA acaba de abrir a inscrición da 3ª edición do Curso Online "Infraestrutura Verde Urbana: Claves para a Planificación, Xestión e Avaliación", no que se abordarán cuestións clave vinculadas ao deseño, implementación e mantemento da infraestrutura verde nas contornas urbanas, o papel que xogan na planificación ante os novos retos das cidades, a relevancia da educación ambiental e a participación cidadá nestes procesos, así como os instrumentos necesarios para a súa correcta avaliación e seguimento.

O programa formativo, desenvolvido a través da Aula Virtual do CEIDA, consta de 4 módulos teóricos e diferentes exercicios prácticos para realizar ao longo de 7 semanas (40 horas), con debates e foros virtuais, co fin de crear un coñecemento colectivo a partir das experiencias e vivencias das persoas participantes. O idioma de todos os materiais e recursos didácticos estarán dispoñibles en español.

O 28 de xuño, de 9:30 - 12:40 en remoto, terá lugar unha xornada informativa sobre o cluster 2 Cultura, Creatividade e Sociedade inclusiva en Horizonte Europa. O evento está organizado pola Oficina Europea/FECYT.  

Este clúster ten como obxectivo fortalecer os valores democráticos europeos salvagardar o noso patrimonio cultural e promover transformacións socioeconómicas que contribúan á inclusión e o crecemento. 

O obxectivo da xornada é presentar las primeiras convocatorias (2021), así como informar sobre as novidades do programa e as regras de participación. Contará coa representación da Comisión Europea, os Puntos Nacionais de Contacto deste programa e un caso de éxito en Horizonte 2020. 

É preciso realizar un rexistro previo para acceder ao evento. 

Inscrición: https://bit.ly/3zddP3M    

Máis información: https://www.horizonteeuropa.es/jornada-informativa-nacional-sobre-el-cluster-2-cultura-creatividad-y-sociedad-inclusiva-de 

Os ESGI constitúen un foro para traballar de maneira conxunta científicos industriais e investigadores matemáticos sobre problemas de interese para a industria. O 163 ESGI, que reunirá a especialistas das ramas de Matemática Aplicada e Estatística e Investigación Operativa, ten como obxectivo o fomento da transferencia Matemática cara á Industria buscando activamente proxectos de investigación e desenvolvemento onde a Matemática teña unha especial relevancia.

Debido á pandemia de coronavirus (COVID - 19), o evento será completamente on-line.

Toda a información relativa ao evento actualizarase continuamente na páxina web do mesmo: http://www.math-in.net/163esgi/

A asistencia é gratuita na Modalidade Básica, pero é necesario rexistrarse previamente. A data límite de inscrición será o 31 de maio de 2021. http://www.math-in.net/163esgi/inscripcion-particulares

O 7 de setembro, de 10:00-12:30 en remoto, terá lugar unha xornada informativa sobre a Convocatoria Redes de Doutoramento do Programa Accións Marie Sklodowska-Curie (MSCA). O evento está organizado pola Oficina Europea.  

A convocatoria MSCA DN 2021 ten como obxectivo o financiamento de consorcios internacionais, intersectoriais e interdisciplinares no marco dos que se contratará e formará a persoal investigador predoutoral.  

Está previsto que a convocatoria MSCA Doctoral Networks 2021 abra durante este mes de xuño e peche o 16/11/2021.  

Esta sesión centrarase en aspectos prácticos relacionados cos diferentes criterios de avaliación e pautas para redactar unha proposta competitiva. Os Puntos Nacionais de Contacto de MSCA serán os encargados de impartir este seminario.. A sesión realizarase en castelán e inglés. 

É preciso realizar un rexistro previo para acceder ao evento. 

Inscrición: https://bit.ly/3g2cHaP 

Máis información: https://www.horizonteeuropa.es/sesiones-informativas-y-documentacion-de-apoyo-convocatoria-doctoral-networks-msca-dn-2021  

O Foro pretende cubrir unha oferta de formación especializada segundo os seguintes obxectivos:

• Coñecer a nova organización dos ensinos universitarios.
• Analizar e debater sobre a selección do profesorado contratado e funcionario.
• Coñecer e debater sobre a situación do doutoramento en España e a Unión Europea.
• Posta ao día da situación actual do proceso de Converxencia Europea en España e a Unión Europea.
• Coñecer os distintos plans que teñen as universidades españolas para potenciar a investigación, a calidade e a Converxencia Europea.
• Coñecer as distintas ferramentas para avaliar a calidade da investigación científica.

Envío de propostas a: secretariafecies@gmail.com (prazo ata o 27 de abril).