| Xestións On-Line |  |
|
Referencias na Prensa á Investigación na USCCo obxectivo de que a sociedade coñeza a utilidade do labor investigador da Universidade de Santiago, e tamén que a industria identifique á Institución como socio con experiencia e prestixio na realización de proxectos científico-tecnolóxicos, a OIT inclúe nas súas actividades a divulgación da investigación desenvolvida na USC.
| Notas de Prensa | | IGFAE | | Tecnoloxía do IGFAE para desenmascarar aos escorregadizos neutrinos | | Publicado: 10/6/2021 |  Un equipo do Instituto Galego de Física de Altas Enerxías (IGFAE) traballa no desenvolvemento dunha nova técnica de detección para o experimento DUNE, o máis sofisticado do mundo no estudo dos neutrinos, situado entre o acelerador de partículas PIP-II, en Fermilab, e o laboratorio subterráneo de Sanford (EE. UU.). Entre os obxectivos científicos de DUNE atópase a observación, cunha precisión sen precedentes, de como os neutrinos cambian de identidade ou "sabor" mentres se desprazan, o que podería axudar a explicar a asimetría observada entre a materia e antimateria no noso universo.
Máis información |
| | CIQUS | | As doutorandas da USC Soraya Learte e Eva Rivera, recoñecidas nos Premios Lilly de Investigación | | Publicado: 9/6/2021 |  A Real Sociedade Española de Química (RSEQ) e a marca Lilly acaban de conceder os seus Premios de Investigación para Alumnos de Doutoramento, un galardón que recoñece a excelencia investigadora, no ámbito académico, dos estudantes nas áreas de Química Orgánica, Farmacéutica e Analítica. Dos tres premios que estaban en xogo nesta convocatoria de ámbito nacional, dous deles foron outorgados a doutorandas da USC no Centro de Investigación en Química Biolóxica e Materiais Moleculares (CiQUS), Soraya Learte e Eva Rivera. Os seus traballos foron seleccionados polo Comité Científico entre un gran número de candidaturas con alto nivel científico e académico, nun proceso especialmente competitivo.
Máis información |
| | CIQUS | | Un potenciador de antibióticos para facer fronte ás superbacterias | | Publicado: 27/5/2021 |  Unha recente investigación publicada en Journal of Medicinal Chemistry demostra a eficacia das sulfonopenicilinas para combater as infeccións causadas pola Pseudomonas aeruginosa, paradigma da resistencia bacteriana aos antibióticos e unha das principais causas de infección intrahospitalaria. En especial, un composto que incorpora unha bromopiridina deseñado no Centro Singular de Investigación en Química Biolóxica e Materiais Moleculares da USC (CiQUS) mostrouse capaz de restaurar a eficacia da ceftazidima, o antibiótico máis utilizado para o tratamento de infeccións causadas por esta bacteria. O estudo foi realizado en colaboración con microbiólogos do Complexo Hospitalario Universitario de A Coruña (CHUAC) e científicos do Institut d´Investigació Sanitària Illes Balears (IdiSBA).
Máis información |
| | FARMACIA | | Un traballo de investigadores de Farmacia, mellor artigo de 2020 do European Journal of Pharmaceutics and Biopharmaceutics | | Publicado: 18/5/2021 |  Un artigo do Grupo Interdisciplinar en Tecnoloxía farmacéutica, inmunobioloxía parasitaria e parasitose hídricas acaba de ser recoñecido polo European Journal of Pharmaceutics and Biopharmaceutics como o mellor de todos os publicados durante o pasado ano 2020. O traballo, titulado "PET study of ocular and blood pharmacokinetics of intravitreal bevacizumab and aflibercept in rats", foi seleccionado por todos os membros do consello editorial da publicación. Na súa redacción, ademais do grupo da Facultade de Farmacia, están implicados investigadores da Unidade de imaxe molecular e do grupo de Farmacoloxía Clínica do IDIS.
Máis información |
|
|
|
Buscador Prensa
|
Nos últimos seis anos tense difundido información sobre máis de 300 proxectos e liñas de investigación que supuxeron máis de 800 páxinas completas dedicadas á investigación na USC.
As notas de prensa orixinais que deron lugar a esta información nos xornais poden ser consultadas no seguinte buscador:
|
|
|
| Lista de distribución | A Vicerreitoría envía puntualmente información de gran interese para os investigadores a través da lista de distribución USC-INVESTIGACION.
Axuda e soporte
Esta web dispón igualmente dunha Canle RSS que recolle as últimas actualizacións.
|
|
