| Xestións On-Line |  |
|
Referencias na Prensa á Investigación na USCCo obxectivo de que a sociedade coñeza a utilidade do labor investigador da Universidade de Santiago, e tamén que a industria identifique á Institución como socio con experiencia e prestixio na realización de proxectos científico-tecnolóxicos, a OIT inclúe nas súas actividades a divulgación da investigación desenvolvida na USC.
| Notas de Prensa | | CIQUS | | A traxectoria científica de Diego Peña recibe o recoñecemento da Real Sociedade Española de Química | | Publicado: 6/11/2023 |  O profesor da USC Diego Peña Gil, pertencente ao Centro Singular de Investigación en Química Biolóxica e Materiais Moleculares da USC (CiQUS), acaba de ser distinguido pola Real Sociedade Española de Química (RSEQ) co Premio á Excelencia Investigadora que recoñece a súa traxectoria científica e capacidade de liderado. Peña Gil recolleu o galardón nun acto que se desenvolveu no Paraninfo da Universidade de Sevilla.
Máis información |
| | I+D | | Un equipo de investigadores logra describir a evolución dos asentamentos humanos en España entre 1900 e 2020 | | Publicado: 6/11/2023 |  Un equipo integrado por investigadores da USC, da Fundación para a Investigación do Clima, así como das universidades de Colorado Boulder e de Southern California, acaban de procesar as pegadas de doce millóns de construcións para describir a evolución dos asentamentos humanos en España entre os anos 1900 e 2020. Así, entre as conclusións que achega o artigo ‘HISDAC-ES: historical settlement data compilation for Spain (1900–2020)’, publicado na revista Earth System Science Data, evidénciase que a cota de superficie construída en Madrid evolucionou do 1,6% en 1900 ao 6,5 en 2020, mentres que no caso de Castela e León a porcentaxe diminuíu, pasando do 21% ao 11%. O resultados obtidos poderían servir para modelar a influencia do crecemento urbano no clima.
Máis información |
| | CIQUS | | O CiQUS busca mellorar a eficacia e seguridade dos tratamentos con células CAR-T en tumores sólidos | | Publicado: 22/6/2023 |  Persoal investigador do Centro Singular de Investigación en Química Biolóxica e Materiais Moleculares da USC (CiQUS) participa en CAR T-REX, un novo proxecto europeo financiado con 2,7 millóns de euros polo Consello Europeo de Innovación (EIC), que busca mellorar a eficacia e seguridade dos tratamentos con células CAR -T en tumores sólidos. Marisa Juanes e Alberto Fuertes do equipo de TraffikGene encargaranse de desenvolver o sistema de transporte que permita introducir ácidos nucleicos en linfocitos T, co obxectivo de que estas células inmunitarias poidan manterse activas no microambiente tumoral.
Máis información |
| | RIAIDT | | A mostra 'Minerais. Ver o Invisible’ achega unha nova perspectiva da investigación mineralóxica en Galicia
| | Publicado: 22/6/2023 |  A exposición 'Minerais. Ver o Invisible. De Haüy á ermeloíta' achega á sociedade unha nova perspectiva da investigación mineralóxica que se desenvolveu e se desenvolve en Galicia. Promovida pola Área de Infraestruturas de Investigación e o Museo de Historia Natural, coa colaboración da Área de Cultura da USC e a Deputación da Coruña, permanecerá aberta ao público, no Salón do Artesoado do Colexio de Fonseca, dende este xoves 22 ata o 2 de setembro con horario de 11.00 a 14.00 horas e de 17.00 a 20.30 horas, de luns a sábado.
Máis información |
|
|
|
Buscador Prensa
|
Nos últimos seis anos tense difundido información sobre máis de 300 proxectos e liñas de investigación que supuxeron máis de 800 páxinas completas dedicadas á investigación na USC.
As notas de prensa orixinais que deron lugar a esta información nos xornais poden ser consultadas no seguinte buscador:
|
|
|
| Lista de distribución | A Vicerreitoría envía puntualmente información de gran interese para os investigadores a través da lista de distribución USC-INVESTIGACION.
Axuda e soporte
Esta web dispón igualmente dunha Canle RSS que recolle as últimas actualizacións.
|
|
