María del Carmen García García naceu en A Coruña, cursou os seus estudos de Licenciatura en Química na Universidade de Santiago de Compostela, e no departamento de Fisioloxía da mesma universidade realizou a súa tese de doutoramento (Premio Extraordinario), baixo a dirección dos profesores Rosa Mª Señarís e Carlos Diéguez, no campo da regulación neuroendocrina da inxesta e o peso corporal durante a xestación e a lactancia . Tras obter en 2002, o título de Doutor, realizou unha estadía postdoutoral no Research Centre for Endocrinology and Metabolism da Universidade de Gotenburgo (Suecia), no grupo do Prof. John-Olov Jansson (bolseira Marie Curie. EU 2003-2005), durante a que desenvolveu o seu interese no estudo da relación entre o sistema inmune e a regulación metabólica. Dende a súa reincorporación a USC no ano 2005 como investigador contratado (Programa Isidro Parga Pondal , Xunta de Galicia, 2005-2010) as súas principais liñas de investigación céntranse no estudo da influencia de factores asociados ó sistema inmune na regulación homeostase enerxética durante a xestación e a lactancia, e a súa participación na programación metabólica perinatal. Na actualidade, e dende decembro do 2010, exerce a súa labor docente e investigadora como profesor contratado doutor no departamento de Fisioloxía da USC.
