O financiamento da I+D e a innovación tecnolóxica en España recae fundamentalmente no Plan Nacional, denominado desde o ano 2000 como Plan Nacional de Investigación Científica, Desenvolvemento e Innovación Tecnolóxica mecanismo que sirve para establecer os obxectivos e prioridades da política de investigación e innovación asi como os instrumentos que garantan a súa consecución.
O novo Plan Nacional de I+D+I (2008-2011) incorpora cambios radicais na súa estrutura e na súa xestión de xeito que evoluciona dun modelo baseado na definición de áreas temáticas a outro modelo construido a partires da definición de instrumentos como resposta aos obxectivos estratéxicos e operativos recollidos na chamada Estratexia Nacional de Ciencia e Tecnoloxía (ENCYT)
