Guía de Convocatorias

Proxectos » Comunidade Autónoma

A Axencia Galega de Innovación (GAIN) publicou a convocatoria de axudas para fomentar a cooperación entre as pemes e os demáis axentes do Sistema Rexional de Innovación a través do apoio a proxectos de investigación e innovación orientados ao mercado e aliñados cos retos e prioridades identificados na RIS3 para Galicia (PROGRAMA CONECTA PEME). A USC poderá participar como ENTIDADE SUBCONTRATADA por parte dunha ou varias  empresas para a colaboración na realización de actividades de investigación dentro do proxecto.

As axudas para a implantación de proxectos piloto, desenvolvemento de novos produtos, prácticas, procesos e tecnoloxías nos sectores agroalimentario, agrícola e forestal, baixo a submedida 16.20, terán un efecto directo sobre a área focal 3A establecida no PDR 2014-2020: Mellorar a competitividade dos produtores primarios integrándoos mellor na cadea agroalimentaria a través de réximes de calidade, engadir valor aos produtos agrarios, promoción en mercados locais e en circuítos de distribución curtos, agrupacións e organizacións de produtores e organizacións interprofesionais.

Ao mesmo tempo, terán efectos secundarios sobre as áreas focais:

– 2B: facilitar a entrada no sector agrario de agricultores adecuadamente formados e, en particular, a remuda xeracional.

– 5B: uso máis eficiente da enerxía na agricultura e na transformación de produtos agrarios.

– 5C: facilitar a subministración e o uso de fontes renovables de enerxía, subprodutos, residuos e demais materia prima non alimentaria para impulsar o desenvolvemento da bioeconomía.

Estas axudas, baixo a submedida 16.12, en materia de produtividade e sustentabilidade agrícola e forestal, terán un efecto directo sobre a área focal 3A establecida no PDR 2014-2020: Mellorar a competitividade dos produtores primarios integrándoos mellor na cadea agroalimentaria a través de réximes de calidade, engadir valor aos produtos agrarios, promoción en mercados locais e en circuítos de distribución curtos, agrupacións e organizacións de produtores e organizacións interprofesionais.

Ao mesmo tempo, terán efectos secundarios sobre as áreas focais:
– 2B: facilitar a entrada no sector agrario de agricultores adecuadamente formados, e en particular, o relevo xeracional.
– 5B: uso máis eficiente da enerxía na agricultura e na transformación de produtos agrarios.
– 5C: facilitar a subministración e o uso de fontes renovables de enerxía, subprodutos, residuos e demais materia prima non alimentaria para impulsar o desenvolvemento da bioeconomía.

O obxecto da orde é establecer o marco normativo que regula a concesión de subvencións, en réxime de concorrencia competitiva, da Xunta de Galicia en materia de cooperación ao desenvolvemento, para os seguintes tipos de proxectos:

• Proxectos no exterior executados polas organizacións non gobernamentais de cooperación ao desenvolvemento (ONGD)
• Proxectos no exterior executados polos outros axentes de cooperación recoñecidos pola Lei 3/2003, do 19 de xuño, de cooperación para o desenvolvemento (universidades, empresas, sindicatos, fundacións, comunidades galegas, etc)

A convocatoria de axudas para proxectos de cooperación no exterior ven publicándose dende o ano 1995. A convocatoria ten carácter bianual (2018-2019), e será financiada cun importe total de 3.262.500 euros, o que representa un incremento de máis dun 8% respecto á dotación da convocatoria do ano 2017, conforme a seguinte distribución:

• Proxectos no exterior de ONGD: 2.762.500 € (1.105.000 € no ano 2018 e 1.657.500 € no 2019).
• Proxectos no exterior doutros axentes: 500.000 € (200.000 € no ano 2018 e 300.000 € no 2019).

DOG: https://www.xunta.gal/dog/Publicados/2018/20180109/AnuncioG0244-181217-0001_gl.pdf

Axudas para a consolidación e a estruturación de unidades de investigación competitivas e outras accións de fomento nas Universidades do SUG, nos organismos públicos de investigación de Galicia e noutras entidades do sistema galego de I+D+i, exercicio 2017. 

As modalidades de axudas que se establecen son:

MODALIDADE A: GRUPOS DE REFERENCIA COMPETITIVA

MODALIDADE B: GRUPOS CON POTENCIAL DE CRECEMENTO

MODALIDADE C: REDES DE INVESTIGACIÓN

MODALIDADE D: PROXECTOS DE PERSOAL INVESTIGADOR CON TRAXECTORA EXCELENTE